The Paradox of the Haves

Kabubukas pa lang ng isang membership grocery superstore sa tabi ng Ayala Alabang Village kaya maraming sasakyan ang nakaparada at pati sa mga  gilid ng kalye na nakapalibot dito. Halos dikit dikit ang mga sasakyan na sa pagpasok ay sobra ng trapik. Maraming 4x4 SUV  at iba pang malalalaking sasakyan na sa tingin ko ay mga mamahalin  ang presyo ng mga ito.

Bakit kaya maraming 4x4 pick-up at SUV  na mga sasakyan sa  Metro Manila na hindi naman ginagamit sa bundok o sa mga malalayong byahe na disyerto o malalakas na hangin na highway. Dahil ba mahal ito at status symbol kung naka Range Rover o Lexus SUV?  Sa mga malalaking bansa tulad ng Amerika, Europa, or Middle East, kailangan ang 4 x4 dahil normal ang magbyahe ng  libo libong kilometro sa napalawak nitong mga lupain. Pero sa Metro Manila ang kadalasang layo ng takbo ay 25 kilometro mula Alabang hanggang Makati na kaya lamang tumatagal ang byahe ay dahil sa siksikan sa napakaliit na kalsada. Ayon sa statistics,  90% ng buong kabuuan ng mga sasakyan sa Pilipinas  ay nasa Metro Manila na pinagkakasya sa 2% lang ng kalye kaya pag nagka sabay-sabay sa labas ay wala ng galawan ang trapiko.

Nainganyo na rin ako na  makisali at maki usyoso kung ano ang meron, kaya nakipila sa caltex gas station na nasa loob ng compound. Kaya pala pila, ay may discount na P10 kada litro kapag bumili at nagpakarga ng gasolina kung may membership card ng superstore. Hanggang tatlong araw lamang ang promo kaya nakisabay na rin ako para  makatipid din ng 300 pesos sa  full tank.

Nauuso na ang mga membership club supermarket. May isang nauna na membership din na pereho ang set up. Maganda at maluwang ang paligid at saka kakaiba ang nabibili kumpara sa mga karaniwang supermarket. Mapapansin na ng mga namimili ay halatang hindi babad sa araw ang mga kutis na kung meron man ay halatang nag sun bathing o galing kay Belo.

Mga Komento.

1. Bakit ganon, kailangan pa ang membership para lamang makabili. Dahil ba nakakamura kung maramihan ang bibilihin o gusto lamang na mga exclusive patrons ang pwedeng mamili para sosy ang dating.
2. Malalaki at maramihan ang pack, kaya mapipilitan ka ng ubusin kaagad o lutuin ang mga nabili dahil baka masira kung pagtatagalin ang stock.
3. Ganon ang reyalidad ng buhay, dahil maraming pera, tiyak marami pambili ng masasarap at matatabang pagkain na sasabayan ng maraming gamot na pangontra o pang pababa ng alta presyon halimbawa.
4. Kapag mataba na at naglalakihan na ay maghahanap naman ng mga salon o diet program na pang pangpapayat.
5. Sabi nga ni Ralph na anak ni Roy,  bakit magpapayat  e ang tagal na pinaghirapan na kumain at patabain ang sarili tapos aalisin lang..aba ay malaki na namang gastusan at pawis para bumilog uli..hehehe
6. Kain ng kain tapos magrereklamo dahil maraming sakit..ang solusyon ay dapat tumigil kumain ng marami.
7. Ipon ng ipon ng pera pero pagtanda ay pangpapagamot lang ng kanser o rayuma.
8. Nagtitipid sa diesel at gasolina pero ang laki naman ng SUV na pang porma.

..May karugtong pa